Ubuyobozi bw’Akarere ka Gasabo bwifatanije n’abaturage batishoboye kwizihiza imimnsi mikuru
Mu rwego rwo kwifatanya n'abaturage batishoboye batujwe mu Midugudu mu kwizihiza iminsi mikuru y'impera z'umwaka, uyu munsi Ubuyobozi bw'Akarere ka Gasabo ku bufatanye n'abafatanyabikorwa ba ko basuye banashyikiriza abo baturage bimwe mu by'ibanze mu buryo bakurikira:
1. Imiryango 70 ituye mu Mudugudu wa Karambo mu Kagari ka Mukuyu Murenge wa Ndera utuyemo abamugariye ku rugamba rwo kubohora Igihugu hamwe n'abarokotse Jenoside yakorewe Abatutsi.
2. Imiryango 250 ituye mu Mudugudu wa Bugarama mu Kagari ka Nkusi mu Murenge wa Jali hatujwe abatishoboye bagiye bimurwa ahantu hatandukanye muri gahunda yo gukemura ibibazo bibangamiye umudendezo w'Abaturage.
Aba baturage bahawe :
- Ibiribwa
- ibikoresho by'isuku
- Imyambaro n'inkweto
- Ibimasa 2 byo kubaga
Abaturage bashimiye Ubuyobozi bw’Akarere bwabatekereje bakabifuriza umwaka mushya.