Kuri uyu wa 28 Mata 2025 mu Karere hatangijwe amahugurwa y’iminsi 2 y’abagize komite zishinzwe kurengera ibidukikije mu Turere tugize tugize Intara y’Iburasirazuba, agamije kongera ubumenyi ku nshingano zabo muri gahunda zo kurengera ibidukikije, aya mahugurwa yateguwe ku bufatanye bw’Ikigo cy’Igihugu gishinzwe kurengera ibidukikije REMA na Global Green Growth Institute. 

Abari guhugurwa ni abagera kuri 30 bo mu Turere twa Kayonza, Nyagatare, Kirehe, Gatsibo, Rwamagana na Ngoma bari muri Komite zishinzwe kurengera ibidukikije z’utu Turere. 

Afungura aya mahugurwa, Umuyobozi w’Akarere Nyemazi John Bosco yasabye abari guhugurwa kuzabyaza umusaruro ubumenyi bungukira muri aya mahugurwa, hagamijwe kurengera ibidukikije no kwirinda ingaruka zaterwa n’uko bititaweho.