Habaye umuhango wo gusoza icyiciro cyo kwigisha abakuze kwandika, gusoma no kubara, aho abagera ku 3379 barangije aya masomo hirya no hino mu mirenge y’akarere ka Kayonza bahawe impamyabushobozi. Ni igikorwa cyakozwe ku bufatanye n’umushinga DUHAMIC-ADRI utewe inkunga na Care International.

Umuyobozi w’akarere wungirije ushinzwe imibereho myiza Harelimana Jean Damascene yashimiye aba bafatanyabikorwa ku bikorwa byiza bakoze haba abateye inkunga iki gikorwa, abigishije aba basoje amasomo yabo n’abandi, asobanura ko icyerekezo cy’igihugu ari ukugira ubukungu bushingiye ku bumenyi.

Yasabye abasoje aya masomo kubyaza umusaruro ubumenyi bahawe, hakagira impinduka zigaragara mu mibereho yabo bwite n’imiryango yabo, anashishikariza ababyeyi kujyana abana ku mashuri bakiri bato kugirango bakure bafite ubwo bumenyi