Uyu munsi kimwe no mu tundi turere twose, mu karere ka Kayonza hatangijwe ku mugaragaro ubukangurambaga bwo gusoma (National Reading Campaign). Iki gikorwa cyabereye muri GS Kayonza mu murenge wa Mukarange, kikaba cyaranzwe no gusura amasomero harebwa uko akoreshwa, abanyeshuri banasomera mu ruhame.

Cyaranzwe Kandi n'umuvugo, agakino kagufi (sketch), ubuhamya bw'umubyeyi ufasha abana gusoma, impanuro z'abayobozi n'imbyino byose bishishikariza abanyeshuri gusoma bakanabifashwamo n'abarezi n'ababyeyi.

Mu mpanuro ze Umunyamabanga Nshingwabikorwa w'Akarere ka Kayonza KAGABA Hero Aaron, yasabye abanyeshuri kwirinda ibiyobyabwenge n'ibisindisha bagasoma ibitabo kuko byungura ubwenge.

Yasabye ababyeyi gukundisha abana gusoma ibitabo bafite mu mashuri ndetse bakanagurira abana ibitabo byiza bazi ko byaborohereza kubarera kuko icyo umubyeyi atigishije umwana yagisanga no mu bitabo. Hahembwe kandi abanyeshuri 33 batsinze neza amarushanwa ya andika Rwanda