Mu rwego rwo guteza imbere ubworozi bw'inka zitanga umukamo, uyu munsi, ku bufatanye n'umushinga wa RDDP mu Karere ka Kayonza, aborozi 15 bari mu nzira yo kuba aborozi ntangarugero binyujijwe mu mashuri y'aborozi mu nzuri no mu kiraro (LFFS) bahawe ibikoresho bizabafasha gutunganya inzuri n'ibiraro by'inka zabo

Muri ibi bikoresho, harimo imachini ikata ubwatsi (Chopper machine: 1, senyenge ibizingo 2, sima 2 n'imisumari ibiro 2 kuri buri wese). Abatubuzi 19 b'imbuto z'ubwatsi nabo bahawe ibikoresho bizabafasha guhinga, gusarura no gupima imbuto basaruye.

Bahawe : Ingorofani 1, Decametero 1, bottes, Umunzani :1 na Shitting 1. Umworozi umwe ufite inka ikamwa litiro 33 ku munsi wo mu Murenge wa Gahini nawe yahawe imashini ikama.

Umunyamabanga Nshingwabikorwa w'Akarere ka Kayonza n'Umuyobozi w'Akarere wungirije ushinzwe ubukunku n'iterambere basabye aba borozi kurushaho kuba intangarugero mu bworozi no kurushaho kwigisha abandi borozi nabo bakarushaho kwiteza imbere.

Abatubuzi b'imbuto z'ubwatsi basabwe kubikora neza, bagasakaza imbuto nziza mu borozi bagenzi babo bityo impeshyi ntizongere kubakanga kandi imigaburirire y'amatungo ikarushaho kuvugururwa.