Mu murenge wa Rukara habereye igikorwa cyo gutangiza ku mugaragaro umushinga wa Learn Work Develop (LWD) ugamije kwigisha urubyiruko kwiga bagamije gukora umurimo unoze, ukaba ubafasha kwiteza imbere cyane cyane abana b'abakobwa  babyariye iwabo.

Hatangijwe kandi Centre y'urubyiruko ya Rukara izajya itanga service zitandukanye ku rubyiruko cyane cyane rwo mu mirenge igize zone ya Rukara (Rukara, Murundi, Gahini na Mwili).

Ibi bikorwa byitabiriwe na Komite nyobozi y'akarere iyobowe na Meya Murenzi Jean Claude, inzego z'umutekano, umuyobozi w'ishami ry'ubuzima ku karere, ababyeyi, urubyiruko n'abandi batandukanye.

Ibirori byabimburiwe n'amarushanwa y'amagare, birangwa n'indirimbo, imivugo, filime mbarankuru (documentary Film) , ikinamico n'ibiganiro bitandukanye.

Umuyobozi w'Akarere wari n'umushyitsi mukuru yashimiye abitabiriye, atanga impanuro zitandukanye ku rubyiruko n'ababyeyi ndetse anatanga ibihembo ku rubyiruko rw'abakobwa babaye abambere mu irushanwa ry'amagare.