Mu Murenge wa Mukarange, kuri uyu wa Kane tariki 8 Gicurasi 2025 hateraniye Inama yaguye y’uburezi mu Karere, yyobowe n’umuyobozi w’Akarere Nyemazi John Bosco. Iyi nama yitabiriwe n’Abakozi bashinzwe uburezi mu Karere, Abanyamabanga Nshingwabikorwa b’Imirenge, Abayobozi b’ibigo by’amashuri, abafatanyabikorwa mu burezi n’abandi.

Muri iyi nama haganiriwe ku ngamba zo guteza imbere ireme ry’uburezi, gukomeza gushyigikira no kunoza gahunda yo kugaburira abana ku mashuri, kurwanya igwingira mu mashuri, gukurikirana imikoreshereze y’umutungo w’amashuri, gukemura ibibazo by’inyubako n’ibikoresho ku mashuri n’ibindi.

UBuyobozi Bw’Akarere bwibukije abakora mu rwego rw’uburezi kurangwa n’indagaciro za kinyamwuga, baharanira gukomeza gutanga uburezi bufite ireme.