Tariki 15 Ugushyingo 2025 mu Karere ka Kayonza hateraniye Inama Rusange y’Abakozi b’Akarere kuva ku rwego rw’Akagari kugeza ku rwego rw’Akarere, hagamijwe kurebera hamwe uburyo bwo kunoza imitangire ya serivisi, kwesa imihigo no kuzuza inshingano mu kazi ka buri munsi.

Iyi nama yitabiriwe na Guverineri w’Intara y’Iburasirazuba Rubingisa Pudence, Umuyobozi w’Ishami rishinzwe Imitangire ya Serivisi, Imiyoborere Myiza n’Abafatanyabikorwa mu Rwego rw’Igihugu rw’Imiyoborere RGB, Afrika Alexis, ndetse n’inzego z’umutekano.

Mu gutangiza iyi nama, Umuyobozi w’Akarere Nyemazi John Bosco, yibukije abakozi ko gukorera hamwe, kuzuzanya no kwibuka inshingano ari byo bitanga umusaruro ufatika mu byo dukorera abaturage.

Maj. Gen Ruki Karusisi, Umuyobozi w’Ingabo muri Diviziyo ya 5, yongeye kwibutsa ko ubuyobozi ari inshingano rusange, asaba abakozi kwirinda impamvu zituma batuzuza inshingano bagaharanira gutanga ibisubizo ku baturage.