Umuyobozi w’akarere ka Kayonza Murenzi Jean Claude yakoranye inama n’abahuzabikorwa b’urubyiruko rw’abakorerabushake (Youth Volunteers) mu mirenge 12 igize akarere ka Kayonza, mu rwego rwo gukomeza kunoza imikorere no gukaza ingamba zo kurwanya Covid19

Yabasabye kurushaho kurangwa n’indangagaciro zisanzwe ziranga urubyiruko rw’abakorerabushake, kongera imbaraga mu bukangurambaga bafasha abaturage mu kwirinda Covid19, ndetse no gushishikariza urubyiruko rw’abakorerabushake gukomeza ibikorwa by’ubwitange mu kurwanya iki cyorezo.

Nyuma y'inama umuyobozi w'Akarere yatanze umwambaro ku rubyiruko rw’abakorerabushake, wo kwifashisha mu gihe hakorwa ubukangurambaga.